Əmək Məcəlləsində təklif edilən dəyişiklik layihəsinin TAM MƏTNİ
Layihə
Azərbaycan Respublikasının Milli Məclisi Azərbaycan Respublikası Konstitusiyasının 94-cü maddəsinin I hissəsinin 1-ci, 6-cı, 15-ci, 16-cı, 18-ci, 19-cu və 27-ci bəndlərini rəhbər tutaraq qərara alır:
Maddə 1. Azərbaycan Respublikasının Əmək Məcəlləsində (Azərbaycan Respublikasının Qanunvericilik Toplusu, 1999, № 4, maddə 213 (Cild I); 2024, № 1, maddə 6, № 4, maddə 365, № 7, maddə 744, № 8, maddə 934; 2025, № 1, maddələr 1, 16, № 2, maddə 96, № 4 (I kitab), maddə 322, № 7, maddələr 606, 608; 2026, № 1, maddələr 8, 16, № 2, maddə 110, № 3, maddə 209, № 4, maddələr 295, 300, № 5 (I kitab), maddələr 397, 403, № 6, maddə 492, № 7 (I kitab), maddələr 620, 625) aşağıdakı dəyişikliklər edilsin:
1.1. 7-ci maddənin 2-3.7-ci bəndindən və 9-cu maddənin birinci hissəsinin “n” bəndindən “aylıq” sözü çıxarılsın;
1.2. 12-ci maddənin 1-ci hissəsinin “x” bəndinə “ödənişlərin” sözündən sonra “, bu Məcəllənin 174-cü maddəsi nəzərə alınmaqla,” sözləri əlavə edilsin;
1.3. 15-ci maddənin 7-ci hissəsinə “orqanının” sözündən sonra “, habelə Azərbaycan Respublikası Mərkəzi Bankının” sözləri əlavə edilsin;
1.4. 31-ci maddənin 2-ci hissəsinin “j” bəndinə “tərəfindən” sözündən sonra “, bu Məcəllənin 175-ci maddəsi nəzərə alınmaqla,” sözləri əlavə edilsin;
1.5. 66-cı maddənin birinci hissəsinin altıncı abzasından, 67-1-ci və 67-2-ci maddələrin 2-ci hissələrindən “uşağının üç yaşınadək” sözləri çıxarılsın;
1.6.125-ci maddə üzrə:
1.6.1. 1-ci hissənin birinci cümləsindən “ödənişli” sözü çıxarılsın;
1.6.2. aşağıdakı məzmunda 5-ci hissə əlavə edilsin:
“5. Hamiləliyə və doğuma görə müavinət “Sosial sığorta haqqında” Azərbaycan Respublikasının Qanununa uyğun olaraq təyin edilir və ödənilir.”;
1.7. 126-cı maddə üzrə:
1.7.1. 1-ci hissədən “ödənişli” sözü çıxarılsın;
1.7.2. 2-ci hissədə “qismən ödənişli” sözləri “uşağa qulluğa görə” sözləri ilə əvəz edilsin;
1.8. 127-ci maddə üzrə:
1.8.1. adında “Qismən ödənişli” sözləri “Uşağa qulluğa görə” sözləri ilə əvəz edilsin;
1.8.2. 1-ci hissədə “qanunvericiliklə müəyyən edilmiş məbləğdə müavinət verilən qismən ödənişli sosial məzuniyyət almaq” sözləri “uşağa qulluğa görə sosial məzuniyyət” sözləri ilə əvəz edilsin;
1.8.3. 2-ci hissədə “qismən ödənişli” sözləri “uşağa qulluğa görə” sözləri ilə əvəz edilsin;
1.8.4. aşağıdakı məzmunda 3-cü hissə əlavə edilsin:
“3. Üç yaşınadək uşağa qulluğa görə müavinət “Sosial sığorta haqqında” Azərbaycan Respublikasının Qanununa uyğun olaraq təyin edilir və ödənilir.”;
1.9. 132-ci maddənin 2-ci hissəsində “qismən ödənişli” sözləri “uşağa qulluğa görə” sözləri ilə əvəz edilsin;
1.10. 134-cü maddə aşağıdakı redaksiyada verilsin:
“Maddə 134. Əmək məzuniyyətinin və ya onun bir hissəsinin başqa vaxta keçirilməsi halları və qaydası
134.1. Əmək məzuniyyətinin və ya onun bir hissəsinin başqa vaxta keçirilməsi dedikdə, məzuniyyətin verilməsi üçün növbəlilik cədvəlində nəzərdə tutulan vaxtın və ya əmək məzuniyyətinin bir hissəsinin bir aydan başqa aya, yaxud cari iş ilindən növbəti iş ilinə, yaxud növbəti təqvim ilinə keçirilməsi başa düşülməlidir.
134.2. Əmək məzuniyyəti və ya onun bir hissəsi aşağıdakı hallarda başqa vaxta keçirilir:
134.2.1. işçinin təşəbbüsü ilə:
134.2.1.1. əmək qabiliyyəti müvəqqəti itirildikdə;
134.2.1.2. əmək məzuniyyəti ilə sosial məzuniyyət bir vaxta düşdükdə;
134.2.1.3. işəgötürənin tapşırıqlarını yerinə yetirmək üçün başqa yerə ezam edildikdə;
134.2.2. işçiyə əmək məzuniyyətinin müəyyən edilmiş növbədə nəzərdə tutulan vaxtda verilməsinin istehsalın, işin, xidmətlərin normal gedişinə xələl gətirə biləcəyi hallarda işəgötürənin təşəbbüsü və işçinin razılığı ilə;
134.2.3. hərbi vəziyyət dövründə səfərbərlik planlarına (tapşırıqlarına) uyğun olaraq;
134.2.4. tərəflərin qarşılıqlı razılığı ilə.
134.3. Tərəflərin qarşılıqlı razılığı ilə əmək məzuniyyətinin istifadə edilməyən hissəsi növbəti iş ili üçün əmək məzuniyyəti ilə birləşdirilə bilər.”;
1.11. 135-ci maddənin 2-ci hissəsi aşağıdakı redaksiyada verilsin:
“2. Əmək məzuniyyətinin müvafiq iş ili (iş illəri) üçün istifadə edilməmiş və növbəti iş və ya təqvim ilinə keçirilməmiş hissəsinə görə işçinin yazılı (kağız daşıyıcıda və ya elektron informasiya sistemi vasitəsilə) ərizəsi əsasında kompensasiya ödənilir. Bu Məcəllənin 144-cü maddəsinin 2-ci hissəsində nəzərdə tutulan hal istisna olmaqla, əmək məzuniyyətinin bu Məcəllənin 114-cü maddəsinin 2-ci hissəsi ilə müəyyən edilən minimum müddəti kompensasiya ilə əvəz oluna bilməz.”;
1.12. 137-ci maddə üzrə:
1.12.1. 1-ci hissənin ikinci cümləsində “həmin məzuniyyətin verildiyi iş ili bitənədək və ya təqvim ilinin sonunadək, yaxud işçinin arzusu ilə növbəti iş ilinin əmək məzuniyyətinə birləşdirilib verilir” sözləri “bu Məcəllənin 134-cü maddəsinə əsasən başqa vaxta keçirilir və ya bu Məcəllənin 135-ci maddəsinin tələbləri nəzərə alınmaqla məzuniyyətin qalan hissəsinə görə kompensasiya ödənilir” sözləri ilə əvəz edilsin;
1.12.2. 3-cü hissəyə “ödənilir” sözündən sonra “və ya bu Məcəllənin 135-ci maddəsinin tələbləri nəzərə alınmaqla həmin günlərə görə kompensasiya ödənilir” sözləri əlavə edilsin;
1.13. 138-ci maddənin 2-1-ci hissəsində “işəgötürənə” sözü “, habelə bu Məcəllənin 135-ci maddəsinin 2-ci hissəsinə uyğun olaraq kompensasiyanın ödənilməsi üçün işəgötürənə yazılı (kağız daşıyıcıda və ya elektron informasiya sistemi vasitəsilə)” sözləri ilə əvəz edilsin;
1.14. 140-cı maddənin 1-ci hissəsinin ikinci cümləsində “qismən ödənişli” sözləri “uşağa qulluğa görə” sözləri ilə əvəz edilsin;
1.15. 144-cü maddə üzrə:
1.15.1. 2-ci hissəyə “əsas” sözündən sonra “və əlavə” sözləri əlavə edilsin;
1.15.2. 3-cü hissədən “bu Məcəllənin 115 – 117-ci və 118-1-ci maddələrində nəzərdə tutulmuş əlavə məzuniyyətlərə,” sözləri çıxarılsın;
1.16. 154-cü maddə üzrə:
1.16.1. 1-ci hissədən “gündəlik və ya aylıq” sözləri çıxarılsın;
1.16.2. 2-ci hissədə “dövlətin müəyyən etdiyi” sözləri “bu Məcəllənin 155-ci maddəsinin 6-cı hissəsinə əsasən müəyyən edilmiş” sözləri ilə əvəz edilsin;
1.16.3. aşağıdakı məzmunda 5–7-ci hissələr əlavə edilsin:
“5. Bu maddənin 6-cı hissəsi ilə müəyyən edilmiş hallar istisna olmaqla, əmək haqqı aylıq müəyyən edilir.
6. Aşağıdakı hallardan biri olduqda saatlıq əmək haqqı müəyyən edilir:
a) siyahısı müvafiq icra hakimiyyəti orqanının müəyyən etdiyi orqan (qurum) tərəfindən təsdiq edilmiş iqtisadi fəaliyyət növləri üzrə fəaliyyət göstərən müəssisələrdə və fiziki şəxs olan işəgötürənlərin yaratdığı iş yerlərində bir aydan az müddətə əmək müqaviləsi bağlanıldıqda;
b) həftəlik iş vaxtının müddəti 20 saat və ya ondan az müəyyən edildikdə.
7. Büdcədən maliyyələşdirilən müəssisələrdə bu Məcəllənin 158-ci maddəsinin 2-ci hissəsinə əsasən müəyyən edilmiş əməyin ödənilməsi sistemində nəzərdə tutulduğu təqdirdə, bu maddənin 6-cı hissəsi nəzərə alınmaqla, saatlıq əmək haqqının tətbiqinə yol verilir.”;
1.17. 155-ci maddə üzrə:
1.17.1. 2-ci hissəyə “aylıq” sözündən sonra “və ya saatlıq” sözləri əlavə edilsin;
1.17.2. 3-cü hissə üzrə:
1.17.2.1. birinci cümlədə “dövlət tərəfindən” sözləri “bu maddənin 6-cı hissəsinə əsasən” sözləri ilə əvəz edilsin və həmin cümləyə “minimum” sözündən sonra “aylıq” sözü əlavə edilsin;
1.17.2.2. aşağıdakı məzmunda ikinci cümlə əlavə edilsin:
“Bu Məcəllədə nəzərdə tutulan qaydada natamam iş vaxtı ilə işləyən və aylıq əmək haqqı alan işçilərin əmək haqqı müəyyən edilmiş vaxta mütənasib olaraq minimum aylıq əmək haqqı məbləğindən hesablanan məbləğdən aşağı ola bilməz.”;
1.17.3. aşağıdakı məzmunda 3-1-ci və 3-2-ci hissələr əlavə edilsin:
“3-1. Bu Məcəllənin 154-cü maddəsinin 6-cı hissəsində nəzərdə tutulmuş hallarda saatlıq əmək haqqı müəyyən edilmiş və əmək funksiyasını yerinə yetirmiş işçinin hər iş saatına görə əmək haqqı bu maddənin 6-cı hissəsinə əsasən müəyyən edilmiş minimum saatlıq əmək haqqı məbləğindən aşağı ola bilməz.
3-2. Əmək haqqı saatlıq müəyyən edilən işçinin gündəlik iş vaxtının müddəti 1 saatdan az olduqda işçiyə ödənilən əmək haqqı minimum saatlıq əmək haqqından aşağı ola bilməz. İşçinin növbəti iş saatı 1 saatdan az olduqda həmin müddət də 1 saat kimi nəzərə alınır və ödənilir.”;
1.17.4. 4-cü hissəyə “minimum” sözündən sonra “aylıq və ya saatlıq” sözləri əlavə edilsin;
1.17.5. 6-cı hissənin birinci və ikinci cümlələrinə “Minimum” sözündən sonra “aylıq və saatlıq” sözləri əlavə edilsin;
1.17.6. aşağıdakı məzmunda 7-ci hissə əlavə edilsin:
“7. Minimum saatlıq əmək haqqının məbləği minimum aylıq əmək haqqından hesablanan saatlıq tarif (vəzifə) maaşından yüksək məbləğdə müəyyən edilir.”;
1.18. 157-ci maddənin 3-cü hissəsindən, 167-ci maddənin ikinci cümləsindən və 168-ci maddənin 1-ci hissəsinin ikinci cümləsindən “aylıq” sözü çıxarılsın;
1.19. iyirmi altıncı fəsil üzrə:
1.19.1. adına “HAQQININ” sözündən sonra “VƏ DİGƏR ÖDƏNİŞLƏRİN” sözləri əlavə edilsin;
1.19.2. 172-ci maddə üzrə:
1.19.2.1. adına “müddətləri” sözündən sonra “və vaxtı” sözləri əlavə edilsin;
1.19.2.2. 1-ci hissəyə aşağıdakı məzmunda üçüncü cümlə əlavə edilsin:
“Saatlıq əmək haqqı müəyyən edilmiş işçilərə əmək haqqı əmək müqaviləsində nəzərdə tutulmuş vaxtda ödənilir.”;
1.19.2.3. 2-ci hissədə “müddətləri də” sözləri “müddətləri və vaxtı” sözləri ilə əvəz edilsin;
1.19.2.4. “Qeyd” hissəsinin ikinci cümləsinə “ödənilməməsi” sözündən sonra “, habelə elektron informasiya sistemində texniki problemlərin yaranması” sözləri əlavə edilsin;
1.19.3. 174-cü maddə üzrə:
1.19.3.1. adında “Əmək haqqının” sözləri “Əməkhaqqının və digər ödənişlərin” sözləri ilə əvəz edilsin;
1.19.3.2. 2-ci hissə üzrə:
1.19.3.2.1. birinci cümlə aşağıdakı redaksiyada verilsin:
“Əməkhaqqı və digər ödənişlər işçiyə nağdsız qaydada işçinin müəyyən etdiyi ödəniş hesabına ödənilir.”;
1.19.3.2.2. ikinci cümləyə “əməkhaqqı” sözündən sonra “və digər ödənişlər” sözləri əlavə edilsin və həmin cümlədə “bank” sözü “ödəniş” sözü ilə əvəz edilsin;
1.19.3.3. aşağıdakı məzmunda 2-1-ci və 2-2-ci hissələr əlavə edilsin:
“2-1. Bu Məcəllənin 7-ci maddəsinin 2-1-ci hissəsi ilə müəyyən edilmiş hallar istisna olmaqla, əməkhaqqı və digər ödənişlərin nağdsız qaydada ödənilməsi işçinin müəyyən etdiyi ödəniş hesabına işəgötürən tərəfindən təqdim edilən məlumatlar əsasında ödəniş xidməti təchizatçısı vasitəsilə elektron informasiya sistemi və Azərbaycan Respublikası Mərkəzi Bankının operatoru olduğu ödəniş sistemi üzərindən həyata keçirilir.
2-2. İşəgötürənlər tərəfindən bu maddənin 2-1-ci hissəsində nəzərdə tutulmuş ödənişlərin həyata keçirilməsinin prosedur qaydaları müvafiq icra hakimiyyəti orqanının müəyyən etdiyi orqan (qurum) tərəfindən Azərbaycan Respublikasının Mərkəzi Bankı ilə razılaşdırılmaqla təsdiq edilir.”;
1.19.3.4. 4-cü hissədə “Əmək haqqı” sözləri “Əməkhaqqı və digər ödənişlər” sözləri ilə əvəz edilsin;
1.19.3.5. aşağıdakı məzmunda “Qeyd” hissəsi əlavə edilsin:
“Qeyd: Bu maddənin 2-ci hissəsinin birinci cümləsinə əsasən əməkhaqqı və digər ödənişlərin işçinin müəyyən etdiyi ödəniş hesabına köçürülməsi ilə bağlı işçilər heç bir xərc çəkmirlər.”;
1.19.4. 175-ci maddəyə aşağıdakı məzmunda 7-ci hissə əlavə edilsin:
“7. Bu maddədə nəzərdə tutulmuş ödənişlərin işəgötürən tərəfindən işçinin əməkhaqqından tutulması, bu Məcəllənin 174-cü maddəsi nəzərə alınmaqla, elektron informasiya sistemi vasitəsilə həyata keçirilir.”;
1.20. 177-ci maddənin 3-1-ci hissəsində “qismən ödənişli” sözləri “uşağa qulluğa görə” sözləri ilə əvəz edilsin;
1.21. 178-ci maddənin 1-ci hissəsinin ikinci cümləsindən “aylıq” sözü çıxarılsın;
1.22. 186-cı maddənin 2-ci hissəsinin “c” bəndində “aylıq” sözü “əmək müqaviləsi ilə müəyyən edilmiş” sözləri ilə əvəz edilsin;
1.23. 196-cı maddənin “Qeyd” hissəsinə “minimum” sözündən sonra “aylıq” sözü əlavə edilsin;
1.24. Azərbaycan Respublikasının Əmək Məcəlləsinə 1-ci əlavə – “Əmək müqaviləsinin (kontraktının) nümunəvi forması”nın 4-cü paraqrafı üzrə:
1.24.1. 4.1-ci bənddə “hər ay” sözləri “aylıq (saatlıq)” sözləri ilə əvəz edilsin;
1.24.2. 4.3-cü bəndə “aylıq” sözündən əvvəl “saatlıq,” sözü əlavə edilsin;
1.24.3. 4.6-cı bənddə “____________ (bankın adı) bankdakı” sözləri “ödəniş” sözü ilə əvəz edilsin.
Satışda olan YENİ nəşrlərimiz:
Sifariş üçün əlaqə vasitələri: 055-368-12-72 (what's app və telegram da aktivdir) və ya mksacademy2022@gmail.com
Satışı davam edənlər:
1. Vergi Məcəlləsi 2026 (Son dəyişikliklərin izahı ilə)
2. Mühasibat uçotu (Müəllif Faiq Abdullayev)
3. Əmək Məcəlləsi 2026 (son dəyişikliklərin izahı)
4. Əməyin uçotu: A-dan Z-yə - 2026
5. PMS Sertifikatı (II Mərhələ): Test və Tapşırıqlar Toplusu 2026
Yaxın zamanlarda satışda olacaq nəşrlər
1. Vergi Məcəlləsi. Ümumi hissənin izahı - 2026
2. ƏMAS Platforması: A-dan Z-yə 2026
3. Vergi uçotu: A-dan Z-yə 2026
4. Vergi Məcəlləsi. Xüsusi hissənin izahı - I nəşr
5. Kargüzarlıq: A-dan Z-yə - VI nəşr
0 Komment
Şərh yazın