İşəgötürən işçini vəzifəsinin dəyişmədiyi halda, onunla yeni əmək müqaviləsi bağlaya bilər?

Satışı yalnız kitabxanalarda həyata keçirilən "Əməyin uçotu: A-dan Z-yə" (III nəşr) kitabından seçmə

İşçinin vəzifə funksiyalarında, maaşında dəyişikliklər olduqda onun necə rəsmiləşdirilməsi də maraqlı məsələlərdəndir. İşəgötürən eyni vaxtda işçinin vəzifə funksiyalarını, əmək haqqını, məzuniyyət günlərini və s. dəyişir. Bu halda yeni əmək müqaviləsi tərtib olunmalı, yoxsa köhnə əmək müqaviləsi baza sənəd olduğu üçün düzəlişlərin hamısı o sənədin üzərində edilməlidir? 
Əmək Məcəlləsinin 46-cı maddəsinin altıncı hissəsinə əsasən, həcmcə çox olduğuna görə dəyişiklikləri əmək müqaviləsinə daxil etmək mümkün olmadıqda ilkin əmək müqaviləsi yenidən tərtib edilir, yaxud həmin dəyişikliklər ayrılıqda tərtib edilib təsdiqlənir.
İşəgötürən əmək müqaviləsini yenidən tərtib edəndə məqsədəuyğundur ki, girişdə aşağıdakı məzmunda qeyd aparsın: “Bu əmək müqaviləsi 20XX-ci ilin XX XXXX tarixində bağlanmış əmək müqaviləsinin yenidən tərtib edilməsi məqsədilə hazırlanıb.”
Həmkarlarımıza tövsiyə edirik ki, əmək müqaviləsinə dəyişikliklər çox olduğu halda yeni əmək müqaviləsi tərtib etsinlər.

Satışda olan YENİ nəşrlərimiz: