“Azərbaycan Coca-Cola Bottler LTD” MMC istehsal etdiyi məhsulların qiymətində dəyişiklik edib. Şirkətin mətbuat xidmətindən verilən məlumata görə, “Azərbaycan Coca-Cola Bottler LTD” MMC şirkəti rəsmi olaraq məhsullarının qiymətlərinin dəyişilməsini bəyan edir. “Son 4 ildə baş verən maya dəyərinin kəskin artımı ilə əlaqədar “Coca-Cola”, “Fanta” və “Sprite” PET 1L və PET 2L məhsullarımızda qiymətləri dəyişdirmək məcburiyyətində qaldıq.16 Aprel 2012-ci il tarixindən PET 1L qablaşdırmalı məhsullarımızda tövsiyə olunan satış qiyməti 50 qəpikdən 60 qəpiyə, PET 2L qablaşdırmalı məhsullarmızda isə 80 qəpikdən 90 qəpiyə dəyişdiriləcək” – deyə, şirkətin bəyanatında deyilir. Qeyd edək ki, Azərbaycanda “Azerbaijan Coca-Cola Bottlers Limited” şirkəti 1994-cü ildə qurulub. Şirkət “The Coca-Cola Company” markalarından ibarət olan qazlı və qazsız içkilərin istehsal, satış və yayımını gerçəkləşdirir.