Xidmət sahəsində çalışan sadələşdirilmiş vergi ödəyicisi bu hüququnu nə zaman itirir?

"Vergi uçotu: A-dan Z-yə" kitabından seçmə

Vergi Məcəlləsinin 218.5.10-cu maddəsinə əsasən, vergi ödəyicisi kimi vergi orqanında uçotda olmayan şəxslərə (əhaliyə) göstərilən xidmətlərdən başqa, xidmətlərin göstərilməsini həyata keçirən şəxslər (Vergi Məcəlləsinin 218.4.1-ci və 220.10-cu maddələrində nəzərdə tutulan şəxslər tərəfindən xidmətlərin göstərilməsi istisna olmaqla) sadələşdirilmiş vergi ödəyicisi olmaq hüququna malik deyillər.

Vergi Məcəlləsində vergi ödəyicilərinə xidmətlə bağlı hər hansı bir faiz nisbəti nəzərdə tutulmadığından belə vergi ödəyiciləri vergi ödəyicisinə ən azı bir dəfə xidmət göstərdiyi halda, sadələşdirilmiş vergi ödəyicisi olmaq hüququni itirir.
Misal. Tutaq ki, avtomaşınların yuyulması xidməti ilə məşğul fərdi sahibkar Əliyev Turan ancaq əhaliyə xidmət göstərir. “A” MMC şirkə timaşınlarının təmizlənməsi məqsədi ilə fərdi sahibkarla müqavilə bağlayır. Fərdi sahibkarın rüb ərzində vergi ödəyicisinə bir dəfə belə xidmət göstərməsi kifayətdir ki, o, sadələşdirilmiş vergi ödəyicisi hüququnu itirsin və gəlir vergisi ödəyicisi kimi xidmət göstərsin.