Bakı Baş Gömrük İdarəsinə yeni rəis təyin olunub. Bununla bağlı Dövlət Gömrük Komitəsinin sədri Şahin Bağırov əmr imzalayıb. Əmrə əsasən, Elmir Ramazanov sözügedən vəzifəyə gətirilib.  Qeyd edək ki, E.Ramazanov bundan əvvəl Bakı Baş Gömrük İdarəsində rəis müavini vəzifəsində çalışırdı.  Məlumat üçün bildirək ki, Elmir Ramazanov 3 noyabr 2019-cu ildə www.mks.az saytının təşkilatçılığı ilə Landmark otelinin III Rotunda zalında Vergi Məcəlləsinə dəyişiklikləri nəzərdə tutan qanun layihəsi ilə bağlı “2020-ci ilin Vergi Məcəlləsini birlikdə öyrənək” adı altında məlumatlandırma sessiyasında Bəyannamələrin və kameral vergi yoxlamalarına nəzarət Baş idarəsinin Bəyannamələrin təhlili şöbəsinin rəisi kimi vergi ödəyiciləri ilə görüşdə də iştirak etmişdi. 

Elmir müəllimlə bağlı geniş məlumatı təqdim edirik:

Elmir Ramazanov 1988-ci ildə Bakıda anadan olub. 2009-cu ildə Azərbaycan Dövlət İqtisad Universitetinin İqtisadiyyatin huquqi tənzimlənməsi fakültəsini bitirib. 2022-ci ildə Azərbaycan Prezidenti yanında Dövlət İdarəçilik Akademiyasının Dövlət və bələdiyyə idarəetməsi fakültəsinə daxil olub.

Əmək fəaliyyətinə ixtisasına uyğun olaraq Vergilər Nazirliyində başlayıb. 2012-ci ildən vergi sistemində inspektor vəzifəsindən başlamaqla müxtəlif postlarda çalışıb. Nəticədə Dövlət Vergi Xidmətinin Milli Gəlirlər Baş İdarəsinin rəis müavini vəzifəsinə qədər yüksəlib.

Dövlət Gömrük Komitəsi sədrinin 2022-ci il 15 avqust tarixli əmri ilə Bakı Baş Gömrük İdarəsinin rəis müavini təyin edilib.

Ailəlidir, bir övladı var.

Satışda olan YENİ nəşrlərimiz: