Millət vəkili: "Yoxlamaya gələn yoxlayıcı elə hesab edir ki, istənilən sahəyə müdaxilə edə bilər"

“Sahibkarlıq subyektinə yoxlamaya gələn yoxlayıcı elə hesab edir ki, onun əlində külli miqdarda səlahiyyət var və istənilən sahəyə müdaxilə edə bilər”.  

“Qafqazinfo” xəbər verir ki, bu fikirləri deputat Vahid Əhmədov İqtisadi siyasət, sənaye və sahibkarlıq komitəsinin iclasında bildirib.

Millət vəkili vurğulayıb ki, qanunda dəyişiklikdə yoxlayıcının suallarının müəyyən edilməsi, əhatə dairəsinin müəyyənləşməsi öz əksini tapır: “Etik davranış anlayışının müəyyən edilməsi çox vacibdir”. 

Yoxlama zamanı götürülən məhsulların taleyi barəsində fikir bildirən Vahid Əhmədov qeyd edib ki, elə məhsullar var ki, uzun müddət saxlamaq olmaz: “Qanunda dəyişikliyə görə bu məsuliyyət yoxlayıcı orqanın üzərinə qoyulur. Bu məsuliyyətin sahibkardan götürülməsi qanunun üstün tərəflərindən biridir”.

Satışda olan YENİ nəşrlərimiz: