"Bəzi sahibkarlar mühasib və hüquqşünasa minimum əmək haqqı məbləğində ödəniş həyata keçirir"

Tanınmış aparıcı Əli Əhmədovun moderatorluğu ilə Asan Radioda yayımlayan "Sahibkar vaxtı"nın qonağı Vergilər Nazirliyinin şöbə rəisi Tural Vəliyev real əmək haqqının göstərilməsi ilə bağlı bəzi məqamlara toxunub:

"Əmək qanunvericiliyinin tələbinə əsasən, real əmək haqqı ölkə üzrə müəyyənləşdirilmiş minimum əmək haqqından aşağı ola bilməz. Həmçinin sahibkarlar nəzərə alınmalıdır ki, minimum əmək haqqının əmək haqqının ən aşağı sosial normatividir. Minimum əmək haqqı ixtisassız əməyə görə verilən əmək haqqıdır. Amma bəzi sahibkarlarımız var ki, ixtisaslı işçilərə (mühasib, hüquqşünas, marketoloq, menecer, mühəndis və .) minimum əmək haqqı məbləğində ödəniş həyata keçirirlər.  2019-cu ilin 7 ayında apardığımız nəzarət tədbirləri nəticəsində bəzi istehsal, pərakəndə ticarət  və səhiyyə sahəsində fəaliyyət göstərən vergi ödəyiciləri əmək haqqı ilə bağlı da ikili mühasibatlıq həyata keçirirlər. Misal üçün, həkimə 180 vəya 500 manat əmək haqqı göstərilməsinə baxmayaraq, real ödənişlər dəfələrlə artıq olur. Digər misal olaraq, alkoloq içkilərin istehsalı ilə məşğul olan bəzi vergi ödəyiciləri labortant vəzifəsində çalışan ixtisaslı işçiyə də minimum əmək haqqı müəyyən edir."

Qeyd edək ki, minimum əmək haqqı hal-hazırda 180 manatdır və 01 sentyabr 2019-cu il tarixdən etibarən isə 250 manat təşkil edəcək.