RƏSMİ! Yeni fəaliyyətlər üzrə nağdsız hesablaşmalar tələbi müəyyən edildi

1 fevral 2023-cü ildən bəzi daşınmaz və danışar əmlakların alqı-satqısı nağdsız formada olmalıdır

Azərbaycan Respublikasının Prezidenti “Nağdsız hesablaşmalar haqqında” Azərbaycan Respublikası Qanununa dəyişikliklər haqqında Qanun imzalayıb. Qanuna əsasən,   “Nağdsız hesablaşmalar haqqında” Qanununa  aşağıdakı məzmunda 3.4.14-3.4.16-cı maddələr əlavə edilib:

• daşınmaz əmlakın alqı-satqısı üzrə, mənzil-tikinti kooperativinin üzvünün pay haqqı üzrə və bina tikintisi fəaliyyəti ilə məşğul olan şəxslərdən yaşayış və qeyri-yaşayış sahələrinin alınması ilə bağlı həyata keçirilən ödənişlər (Maddə 3.4.14.);
• qiymətli daşların, qiymətli metalların, o cümlədən qiymətli daşlardan və qiymətli metallardan hazırlanmış məmulatların və mədəniyyət məhsullarının alqı-satqısı üzrə ümumi məbləği on beş min manatdan artıq olan ödənişlər (Maddə 3.4.15.);
• rəsmi reyestrlərdə qeydiyyata alınmış daşınar əmlakın alqı-satqısı üzrə (avtomobil satışı istisna olmaqla) ümumi məbləği on beş min manatdan artıq olan ödənişlər (Maddə 3.4.16.).

Qeyd edək ki, dəyişikliklər Qanun 2023-cü il fevralın 1-dən qüvvəyə minir.

 Satışda olan YENİ nəşrlərimiz: