Könüllü qeydiyyat halları üzrə ərizənin verilməsi necə müəyyənləşir?
Satışı davam edən “Vergi uçotu: A-dan Z-yə” (V nəşr) kitabından seçmə
Mənfəət və ya gəlir vergisi, həmçinin sadələşdirilmiş vergi ödəyiciləri ƏDV qeydiyyatı üçün ərizə ilə müraciət edə bilərlər. Təbii ki, bəzi istisnalar var. Bölmənin əvvəlində hansı vergi ödəyicilərinin mütləq sadələşdirilmiş vergi ödəyicisi kimi fəaliyyət göstərməsini qeyd etmişdik. Məsələn, idman-mərc oyunlarının operatoru və satıcıları olan şəxslər könüllü ƏDV qeydiyyatı üçün müraciət edə bilməzlər.
Mİsal. Səhiyyə sektorunda fəaliyyət göstərən “A” MMC-nin ardıcıl 12 ayda dövriyyəsi 120 000 manat olmasına baxmayaraq, şirkət 2020-ci ilin avqust ayında ƏDV ödəyicisi kimi qeydiyyata alınmaqla bağlı vergi orqanlarına müraciət edib. Bu zaman artıq qeydiyyat könüllü olduğu üçün, vergi ödəyicisi qeydiyyat haqqında ərizəni verdiyi aydan sonrakı hesabat dövrünün birinci günündən ƏDV qeydiyyatına alınır. Əgər “A” MMC sentyabrda verdiyi müraciətdə qeyd etsə ki, sentyabr yox, 3-cü rüb başa çatdıqdan sonra, yəni, noyabr ayından ƏDV qeydiyyatına alın, o zaman vergi orqanı vergi ödəyicisini qeyd etdiyi ayda uçota alacaq.
Burada bir vacib məsələni qeyd edək ki, vergi orqanı vergi ödəyicisini qeydiyyata alan zaman həmin ayın birinci günü əsas götürülür. Yəni, ƏDV qeydiyyatı, məsələn, 15 oktyabrdan başlaya bilməz.
Mks.az saytının növbəti ödənişli tematik Təlimi: “İş vaxtının cəmlənmiş uçotu: A-dan Z-yə”
Azərbaycanda ilk dəfə, bu mövzuda misallarla bütün mümkün variantların izahı!
Tarix: 04 dekabr 2021-ci il, saat 15:00
Təlimin keçirilmə yeri: Caspian Plaza
Təlimlə bağlı əlavə məlumat üçün əlaqə vasitələri: 050-368-12-72, 012-564-86-85 və ya