Xəbər verdiyimiz kimi, Dövlət Vergi Xidməti fərdi sahibkarlar üçün hesabatların təqdim edilməsi üçün təxminən 15-20 gün vaxt verməsi gözlənilirdi. Həmin müddətə qədər vahid bəyannaməni təqdim edən vergi ödəyicilərinə qarşı hər hansı maliyyə sanksiyası tətbiq edilməyəcəkdir.

Dövlət Vergi Xidmətinin bu günki rəsmi açıqlaması ilə mks.az-ın məlumatı rəsmi təsdiqini tapdı: "Azərbaycan Respublikasının "Sosial sığorta haqqında" Qanununa edilmiş dəyişikliklərlə bağlı hüquqi şəxs yaratmadan sahibkarlıqla məşğul olan fiziki şəxslərin "Muzdlu işlə əlaqədar ödəmə mənbəyində tutulan vergi, məcburi dövlət sosial sığorta, işsizlikdən sığorta və icbari tibbi sığorta haqları bəyannaməsi"ndə müvafiq düzəlişlər aparılıb və artıq iyulun 21-dən etibarən hesabatların təqdim edilməsi mümkündür. Dövlət Vergi Xidməti bildirir ki. vergi ödəyiciləri cari ilin 11 avqust tarixinədək müvafiq hesabatları vergi orqanlarına təqdim etməlidirlər."

 Vergi Məcəlləsində və “Sosial sığorta haqqında” qanunda 02 iyun 2020-ci il tarixinə nəzərdə tutulan bütün dəyişikliklərin şərh edildiyi, Anar Bayramovun müəllifi olduğu “Vergi uçotu: A-dan Z-yə” kitabı satışda