Əmək şəraitin dəyişməsi ilə bağlı maraqlı sualın cavabı

Mks.az-in eksperti, sərbəst auditor Altay Cəfərovun təqdimatında

Sual: Salam, hər vaxtınız xeyirli olsun! İşlərin çoxluğu və digər səbəblərdən işçini plandankənar, qeyri-iş günləri işə çağırmaq zərurəti yaranır. Bu da öz növbəsində əmək şəraitinin şərtlərinin dəyişdirilməsi hesab olunur. Praktiki olaraq işçiyə 1 ay əvvəlcədən xəbərdarlıq etmək mümkün deyil. Bu hal necə tənzimlənməlidir ki, gələcəkdə hər hansı bir sanksiya ilə üz-üzə gəlməyək.

Ramin Hacı 

Cavab: Bu sualın cavabını Əmək Məcəlləsində axtarmalıyıq. Əmək şəraiti Məcəllənin 54-cü, əmək şəraitinin dəyişdirilməsi qaydaları isə 56-cı maddələri ilə tənzimlənir. Sizin qeyd etdiyiniz qeyri-iş günlərində işə cəlb olunma əmək şəraitinin dəyişdirilməsi deyil. Bu zaman işçiyə an azı ikiqat əmək haqqı və ya işə cəlb olunduğu günlərin əvəzi verilməlidir. Bir daha bildirirəm ki, bayram günlərində işə cəlb olunmaq əmək şəraitini dəyişdirilməsi hesab edilmir.