Bazar ertəsi, 20 Sentyabr 2021 09:50

Əmək funksiyasını yerinə yetirməyən işçinin əmək müqaviləsinə xitam verilməsi necə rəsmiləşdirilməlidir? (Nümünəvi forma)

Satışı davam edən “A-dan Z-yə: Kargüzarlıq” (IV nəşr) kitabından seçmə

Daxili nizam-intizam qaydalarını kobud şəkildə pozan və əmək müqaviləsi ilə müəyyənləşdirilmiş öhdəliklərini lazımınca icra etməyən işçinin işdən azad olunması ilə bağlı əmr nümunəsini  nəzərdən keçirək.

Blank “Alov” MMC

ƏMR

№________

Gəncə şəhəri                                                                   29 avqust 2019-cu il

Əmək funksiyasını yerinə yetirməyən işçinin

əmək müqaviləsinə xitam verilməsi haqqında

Satış şöbəsinin reklam üzrə mütəxəssisi Nəsibov Amil Sahib oğlunun son 2 ayda 3 dəfə əmək intizamını kobud şəkildə pozmasını və əmək funksiyalarını tam və keyfiyyətli icra etməməsini (intizam tənbehinin tətbiq oluması ilə bağlı ___ _________2019-cu il tarixli, ____№-li, ___ _________2019-cu il tarixli, ____№-li və ___ _________2019-cu il tarixli, ____№-li əmrlər) nəzərə alaraq

ƏMR EDİRƏM:

  1. Satış şöbəsinin reklam üzrə mütəxəssisi Nəsibov Amil Sahib oğlu verilən intizam tənbehlərindən lazımi nəticə çıxarmadığı üçün Azərbaycan Respublikasının Əmək Məcəlləsinin 70-ci maddəsinin “ç” bəndinə uyğun olaraq, onunla bağlanmış 2 sentyabr 2017-ci il tarixli, ____№-li əmək müqaviləsi 2 sentyabr 2019-cu il tarixdən ləğv edilsin.
  2. Baş mühasib Səlimova Sultanə Sahib qızı işçiyə son haqq-hesabın ödənilməsini təmin etsin.
  3. Əmrin icrasına nəzarət Kadrlarla iş şöbəsinin müdiri Ağazadə Nazlı Həsənağa qızına həvalə olunsun.

Direktor ________ Nəbili N.N.

Əmrlə tanış oldum: ___________ Səlimova S.S.

Tarix __________

Əmrlə tanış oldum və surətini aldım: _________ Nəsibov A.S.

Tarix _______________

Əgər daha kobud pozuntuya görə işçi elə birinci dəfədən işdən çıxarılarsa, o zaman əmrin əsası kimi xidməti yazı və əgər varsa, işçinin izahatı göstərilir.

 

Hal-hazırda satışı davam edən NƏŞRLƏRİMİZ

1) "Vergi Məcəlləsi: Ümumi hissəsinin izahı" -qiymət 45(40) manat   (Satışına start verilib)

2) Vergi uçotu: A-dan Z-yə kitabı (V nəşr) - qiymət 40 (35) manat (Satışına start verilib)

3) Əməyin uçotu: A-dan Z-yə kitabı - qiymət 45 (40) manat (Satışına start verilib)

4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)

5) Vergi Qanunvericiliyi və Testlər Toplusu  - qiymət 35 (30) manat  (Satışına start verilib)

6) Əmək Qanunvericiliyi və Testlər Toplusu  - qiymət 35 (30) manat (Satışına start verilib)

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.

Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.

Qeyd 3. Kitabların qiymətinə istənilən ünvana çatdırılma və CD-disk daxildir.

Sifarış üçün əlaqə vasitələri: 050-368-12-72, 012-564-86-85 və ya Bu email ünvanı spambotlardan qorunur. Onu görmək üçün JavaScripti qoşmaq lazımdır.

Şərh yazın