Həmkarlar ittifaqına üzvlük haqqı işçinin əmək haqqının necə faizini təşkil edə bilər?

Satışına start verilən “Əməyin uçotu: A-dan Z-yə” kitabından seçmə

Bir qayda olaraq, həmkarlar ittifaqına üzvlük əmək haqqı fondunun 2 faizi həcmində həyata keçirilir. Üzvlük haqqının necə faiz olması həmkarlar ittifaqının nizamnaməsinə uyğun müəyyənləşdirilir.

Qanunda qeyd edilir ki, mülkiyyət formasından asılı olmayaraq, işəgötürən həmkarlar ittifaqının üzvü olan işçilərin əmək haqlarından həmkarlar ittifaqına üzvlük haqlarının mühasibatlıq vasitəsilə tutulmasını təmin edir və 4 iş günü müddətində həmin idarə, müəssisə və təşkilatın həmkarlar ittifaqı təşkilatının xüsusi hesabına köçürür.

Qeyd edək ki, əvvəllər müddət müəyyən edilməsə də, son dəyişikliklərdən sonra konkret 4 iş gün ərzində ödənilməsi tələbi qanunvericiliyə salınıb.

İnzibati Xətalar Məcəlləsinin 196-cı maddəsinə əsasən, mülkiyyət formasından asılı olmayaraq işəgötürən tərəfindən həmkarlar ittifaqının üzvü olan işçilərin əmək haqlarından mühasibatlıq vasitəsilə həmkarlar ittifaqına üzvlük haqlarının tutulmasının təmin edilməməsinə və 4 iş günü müddətində həmin idarə, müəssisə və təşkilatın həmkarlar ittifaqı təşkilatının xüsusi hesabına köçürülməməsinə görə vəzifəli şəxslər min manatdan min beş yüz manatadək məbləğdə cərimə edilir.

Misal. “A” MMC-də sentyabr ayı üzrə işçilərin əmək haqları hesablandıqdan sonra ödəmələr 4 iş gün ərzində həmkarlar ittifaqı təşkilatının xüsusi hesabına köçürülmədiyi halda, vəzifəli şəxslər 1000 manatdan 1500 manata qədər cərimə olunacaq.

2021-ci ilin may ayında satışda olacaq kitablar: