Dövlət İmtahan Mərkəzi “Peşəkar mühasib sertifikatı” imtahanının hər iki mərhələ üzrə vaxtlarını açıqladı (RƏSMİ)

Dövlət İmtahan Mərkəzi “Peşəkar mühasib sertifikatı” imtahanının hər iki mərhələ üzrə vaxtlarını açıqladı (RƏSMİ)

1-ci mərhələ mühasibat uçotu üzrə test tapşırıqlarını, 2-ci mərhələ qanunvericilik üzrə test tapşırıqlarını əhatə edir. 

“Peşəkar mühasib sertifikatının verilməsi prosesinin təşkili, imtahanların keçirilməsi və peşəkar mühasib sertifikatı almış şəxslərin dövlət reyestrinin aparılması Qaydaları”nın təsdiq edilməsi haqqında Azərbaycan Respublikası Nazirlər Kabinetinin 2019-cu il 22 may tarixli 237 nömrəli Qərarına əsasən Peşəkar mühasib sertifikatının (PMS) verilməsi prosesinin təşkili və imtahanların keçirilməsi Azərbaycan Respublikasının Dövlət İmtahan Mərkəzi (DİM) tərəfindən həyata keçirilir. 

İmtahanlardan müvəffəqiyyətlə keçən namizədlərə aşağıdakı növ sertifikatlar verilir:

  1. Kiçik və Orta Sahibkarlıq Subyektləri üçün Maliyyə Hesabatlarının Beynəlxalq Standartları üzrə PMS;
  2. Maliyyə Hesabatlarının Beynəlxalq Standartları üzrə PMS;
  3. İctimai Sektor üçün Mühasibat Uçotunun Beynəlxalq Standartları üzrə – I, II səviyyə PMS. 

İmtahanlar 2 mərhələ üzrə keçiriləcəkdir:

1-ci mərhələ mühasibat uçotu üzrə test tapşırıqlarını, 2-ci mərhələ qanunvericilik üzrə test tapşırıqlarını əhatə edir. 

İmtahanların keçirilmə qrafiki

 Sertifikat növü

 İmtahanlarda iştirak etmək   üçün qeydiyyat

 İmtahanın adı

 Keçirilmə   tarixi

 1. Kiçik və Orta Sahibkarlıq Subyektləri üçün Maliyyə Hesabatlarının   Beynəlxalq Standartları üzrə peşəkar mühasib sertifikatı
 2. Maliyyə Hesabatlarının Beynəlxalq Standartları üzrə peşəkar   mühasib   sertifikatı
 3. İctimai Sektor üçün Mühasibat Uçotunun Beynəlxalq Standartları   üzrə –  I,II səviyyə (İSMUBS) peşəkar mühasib sertifikatı

 11.10.21–07.11.21

 1-ci mərhələ
 "Mühasibat uçotu"

 21.11.2021

 2-ci mərhələ
 Büdcə (yalnız   İSMUBS üzrə)
 Vergi
 Mülki
 Əmək
 qanunvericiliyi

 28.11.2021

Hər bir sertifikat növü üzrə imtahan proqramları DİM-in rəsmi internet səhifəsində yerləşdirilmişdir. Namizədlər proqramlarla bu linkə daxil olaraq tanış ola bilərlər. 

Namizədlərin nəzərinə çatdırırıq ki, müvafiq standartlar və mühasibat uçotu üzrə qanunvericilik aktları Maliyyə Nazirliyinin (http://maliyye.gov.az/) internet səhifəsində, bu və ya digər qanunvericilik aktları Azərbaycan Respublikası Ədliyyə Nazirliyinin Normativ hüquqi aktların vahid internet elektron bazasında (http://www.e-qanun.az/) yerləşdirilmişdir. 

İmtahanlarda iştirak etmək istəyən namizədlər daha ətraflı məlumat əldə etmək məqsədi ilə “Peşəkar mühasib sertifikatının verilməsi prosesinin təşkili, imtahanların keçirilməsi və peşəkar mühasib sertifikatı almış şəxslərin dövlət reyestrinin aparılması Qaydaları”nın təsdiq edilməsi haqqında Azərbaycan Respublikası Nazirlər Kabinetinin 2019-cu il 22 may tarixli 237 nömrəli Qərarı ilə tanış olsunlar. 

Baş mühasiblər tərəfindən peşəkar mühasib sertifikatının əldə edilməsinin müddətləri və ardıcıllığı haqqında məlumat isə “Paylarının (səhmlərinin) nəzarət zərfi dövlətə məxsus olan hüquqi şəxslərin, qiymətli kağızları fond birjasında dövriyyədə olan hüquqi şəxslər istisna olmaqla, digər ictimai əhəmiyyətli qurumların, iri və orta sahibkarlıq subyektlərinin, büdcə təşkilatlarının və illik maliyyə hesabatlarını və ya birləşdirilmiş (konsolidə edilmiş) maliyyə hesabatlarını dərc edən publik hüquqi şəxslərin baş mühasibləri tərəfindən peşəkar mühasib sertifikatının əldə edilməsinin müddətlərinin və ardıcıllığının müəyyən edilməsi haqqında” Azərbaycan Respublikası Nazirlər Kabinetinin 25 oktyabr 2018-ci il  464 nömrəli qərarında öz əksini tapmışdır. 

Diqqət: Nazirlər Kabineti yanında Operativ Qərargahın verəcəyi qərarlardan asılı olaraq imtahan tarixi dəyişə bilər. Namizədlərə tövsiyə edilir ki, DİM-in rəsmi internet saytını müntəzəm olaraq izləsinlər.

 

Hal-hazırda satışı davam edən NƏŞRLƏRİMİZ

1) "Vergi Məcəlləsi: Ümumi hissəsinin izahı" -qiymət 45(40) manat   (Satışına start verilib)

2) Vergi uçotu: A-dan Z-yə kitabı (V nəşr) - qiymət 40 (35) manat (Satışına start verilib)

3) Əməyin uçotu: A-dan Z-yə kitabı - qiymət 45 (40) manat (Satışına start verilib)

4) “A-dan Z-yə Kargüzarlıq” (IV nəşr) - qiymət 40 (35) manat (Satışına start verilib)

5) Vergi Qanunvericiliyi və Testlər Toplusu  - qiymət 35 (30) manat  (Satışına start verilib)

6) Əmək Qanunvericiliyi və Testlər Toplusu  - qiymət 35 (30) manat (Satışına start verilib)

Qeyd 1: Mötərizədə qeyd edilən qiymətlər daimi müştərilərimiz üçün nəzərdə tutulub.

Qeyd 2: Bütün nəşrlərimiz qalın üzlu olmaqla yüksək keyfiyyətdə hazırlanacaq.

Qeyd 3. Kitabların qiymətinə istənilən ünvana çatdırılma və CD-disk daxildir.

Sifarış üçün əlaqə vasitələri: 050-368-12-72, 012-564-86-85 və ya [email protected]

0 Komment

    Şərh yazın

    Xəbərlər